بسم الله الرحمن الرحمن الرحيم
إخواني أغلبية الشباب السعودي يتكلم عن البطالة وإن مافي وظائف ولاأحد يتوظف إلا بالواسطة وإلي يقول ناس متخرجة من الجامعة وقاعدة في البيت , حتى طلاب الثانوية ما يتوقعون أكثر من العسكرية . صار الشباب السعودي كله في السلك العسكري ,
وأصبح الشاب السعوديالذي من المفترض أن يكون كله حيوية ونشاط يحس بالعجز والخمول وإن ماله مستقبل , حتى طلاب الثانوية يقلك ليش أذاكر مادام حجلس عند أمي .
والسبب لأن الشباب السعودي شباب خامل ما يعرف يطق مسمار , شباب هامل يا أخي عندك كل شي :
الدراسة بلاش
99بالمئة من الشباب آبائهم يصرفون عليهم ,
جوالات آخر موديل ,
سيارات جديدة ,
معاهد في البلد بكل مكان ,
أغلب وقتك فراغ ,
مناهجنا من كثر مو سهله مانذاكر الأ ليلة الأختبار ,
ولما تهمل الدراسة وتجلس في بيت أمك ما يهمك غير التسلية والصرقعة والمدرسة تعطيها قفاك ومافي غير شردات وهمله وتضيع فلوسك في الجوالات والأمور إلي مالها داعي وبعدين تتفاجى إن مافي أحد يستقبلك تقوم تتفلسف وتقول ليه مافي وظائــف .
يا أخي أعطي كل شي حقه لا تضيع يومك بدون فايده أعطي ربك حقه ونفسك حقها وأهلك حقهم ومستقبلك حقه واجتهد والباقي على ربك , ولا تحسب إذا إجتهدت وما توظفت إن الله حيضيعلك تعبك .
ونصيحة لأي شاب مالله وفقه بوظيفة يروح يشتغل , والشغل مو عيب أنا أعرف باكستاني جاء يشتغل عامل وبعد 15 سنة من يوم ما جاء السعودية إستأجر مخرطة السيارات ؟؟؟؟؟؟؟؟؟؟؟؟؟؟؟؟
بمبلغ 15000في الشهر ! ! وهو دخله الشهري مبلغ 30000 من غير ال15000 ويشتغل عنده عشرات العمال وغير العامل هذا فيه الأأأأأأف العماله .
إذا هذا العامل إلي جاء ماعنده ريال ولا يقدر يفتحله بسطة والحين عنده راتب دكتورين وإنت ياسعودي إلي حالتك المادية منتعشة وتقدر تبدا الشغل مو عامل تقدر تفتحلك محل وتشتغل فيه ,
وللمعلومية الدولة إتكفلت بتدريسك وتنميه فكرك وليست متكفله بتوضيفك .
غيرك يدرسون بفلوووووس ؟؟؟؟؟؟؟؟؟
وأقول لكم مره اخرى إلي مالله وفقه بوظيفة يشتغل وما عمر الشغل كان عيب وتذكر وكلكم تعرفون أننا في مجتمع اللي ماعنده وظيفه أكبر عار عليه .
إن الرسول صلى الله عليه وسلم قال فيما معنى الحديث إن تسعة أعشار الرزق في التجارة
وعشر واحد فيما عداها يعني 90 بالمئة من الرزق في التجارة و10 بالمئة فيما عدا التجارة وتذكر أن السعودية دخلت في منظمة التجارة العالمية وتوكل على الله الذي من توكل عليه جعل له من كل هم فرجا ومن كل ضيق مخرجا ويرزقه من حيث لا يحتسب من يتوكل عليه فهو حسبه وكافيه وأخلص النيه له وحده وتذكر أنه هو مقسم الأرزاق ولو كانت الدوله هي التي تقسم الأرزاق لماتو أناس جياعاً وماكان بعد الصبر فرج .
وأرجو من عنده إنتقاد أن يذكره لتعم الفائدة إن شاء الله
ولكم جزيل الشكر ...
الجمعة يوليو 10, 2009 9:03 pm من طرف أهم وحده
موضوع: الشباب السعودي 
